Her eru nøkur góð ráð, tá skipað verður fyri veitslum

1. Tá gestirnir koma, er gott at skapa ein góðan hýr við livandi tónleiki.

2. Undir borðhaldinum er hugnaligt við tónleiki afturvið, og felagssangurin gongur enn betur, tá tónleikarir spæla undir.

3. Ein konferencier/borðstýrari setir dám á og stýrir borðhaldinum. Eisini kann skemt og annað undirhald gera borðhaldið enn festligari.

4. Eitt livandi dansiorkestur fær øll upp á gólvið.

5. Áðrenn dansurin byrjar, og í steðginum hjá dansiorkestrinum, setir ein DJ dám á.

Pakkaloysnir

Vit kunnu veita pakkaloysnir, ið til dømis kunnu síggja soleiðis út:

• Klaver/Dansiorkestur. Ein klaverleikari spælir undir borðhaldinum og aftur við felagssanginum. Aftan á borðhaldið spælir dansiorkestrið til dans. Ofta er tað klaverleikarin hjá orkestrinum, sum spælir undir borðhaldinum.

• Klaver/DJ/Dansiorkestur. Klaverleikarin spælir undir borðhaldinum og aftur við felagssanginum. Aftan á borðhaldið spælir dansiorkestrið til dans. DJ'in spælir, áðrenn orkestrið byrjar, í steðginum hjá orkestrinum, og aftan á, at orkestrið er liðugt at spæla.

• Klaver/Undirhald/Dansiorkestur. Klaverleikari spælir undir borðhaldinum og aftur við felagssanginum. Undir borðhaldinum er undirhald – til dømis við einum ella fleiri skemtarum. Aftan á spælir orkestrið til dans.

• Klaver/Undirhald/DJ/Dansiorkestur. Klaverleikari spælir undir borðhaldinum og aftur við felagssanginum. Undir borðhaldinum er undirhald – til dømis við einum ella fleiri skemtarum. Aftan á spælir orkestrið til dans. DJ'in spælir, áðrenn orkestrið byrjar, í steðginum hjá orkestrinum, og aftan á, at orkestrið er liðugt at spæla.

• DJ/Dansiorkestur. DJ'in spælir dempaðan tónleik undir borðhaldinum. Aftan á spælir orkestrið til dans, og DJ'in spælir í steðginum hjá orkestrinum og aftan á, at orkestrið er liðugt at spæla.

• Klaver/DJ. Klaverleikari spælir undir borðhaldinum og aftur við felagssanginum. Aftan á borðhaldið spælir ein DJ til dans.

Temaveitslur

Gerið tykkara veitslu til nakað heilt serstakt. Temaveitslur eru væl dámdar og ofta heilt serstakar. Alt hongur saman: Tónleikur, undirhald, prýði, klæði og borðreiðing. Við at skipa firmaveitsluna sum eina temaveitslu, fáa tit eitt kvøld, sum seint verður gloymt. Vit skipa fyri øllum sløgum av temaveitslum: Til dømis 80'ara veitslu, cowboy-veitslu, latin-veitslu, osfr.

Lat okkum hjálpa við øllum

Um áhugi er fyri tí, kunnu vit:

• Samskipa allar avtalur millum tónleikarar, undirhaldsfólk og teknikarar.

• Syrgja fyri tí rætta ljósinum og tí besta ljóðinum.

• Fáa ein pall til vega í tí røttu støddini.

• Vera til staðar undir tiltakinum og syrgja fyri, at alt gongur, sum tað skal.

Sig okkum frá, hvat slag av tiltaki, tit eru í holt við at planleggja: Firmaveitslu, móttøku, jólaborðhald, brúdleyp, føðingardag, privata veitslu, konsert – og vit senda tykkum eitt uppskot um, hvussu tiltakið verður væleydnað.

Send ein óbindandi fyrispurning til
tonleikur@tonleikur.fo

Vinarliga upplýs okkum fylgjandi, um møguligt:
navn á tí artistinum, tú ert áhugaður í
hvat slag av tiltaki, talan er um
nær og hvar tiltakið verður
tal av luttakarum
og títt navn og telefonnummar

Tú kannst eisini ringja til okkum á
tlf. 21 41 41

Vit síggja fram til at hoyra frá tær.